د مزارشریف ښار نانوایانو ته د اوړو وېش پېل
په مزارشریف ښار کې شته نانوایانو ته د اوړو د ویش بهېر پېل شو. د دغه پلان سره سم به د مزارشریف ښار اوسېدونکو ته د نانوایانو لخوا وچه ډوډۍ په وړیا ټوګه وویشل شی.
د مزارشریف ښاروال عبدالحق خرمي پداسې حال کې چې د دغه پروسې څخه څارنه کوي وای چې د اړمنو کسانو لېست د ګذر شوراګانو او کمېټو لخوا چمتو شوي . او اړوندو نانوایانو ته تسلیم شوی او دغه بهېر په شفاف ټوګه مخته روان دي .
ښاغلې خرمي تنګار وکړ چې د مزارشریف ښاروالۍ کارکوونکې او د ناحیو موظفین او د کمېټو غړي او د سېمي مشران د دغه پروسې څخه څارنه کوي؛ ترڅو دغه ډوډۍ اړمنو کورنيو ته ورسېږي .
یکشنبه، د ۱۳۹۹ لمریز کال د غوایی مېاشت ۱۴ نېټه مزارشریف
