د مزار مال تر حمکی لاندی سرک قیر اچولو کار
د مزارشریف ښار د دریمې او دویمې ناحیو تر منځ سیمه کې د روضې شمال لور ته د مزار مال زیر زمینی سرک چې د ناصر خسرو بلخي په نوم هم مشهور ده د قیر اچولو چارې د مزار ښاروالۍ د مرستیال مولوي محمد نسیم عابد په شتون کې پیل شوې.
د دغې پروژې د قرار دادي شرکت مسول وایي چې دغه سرک به په معیاري توګه جوړوي چې په خبره یې ډېر ژر به یې ګټې اخیستنې ته وسپاري.
بل لور ته بیا د یادې سیمې اوسیدونکي د مزار ښاروالۍ له ورته اقداماتو هرکلی کوي او فعالیتونه یې د قدر وړ بولي.
د یادولو وړ ده چې د مزار شریف ښار د دریمې او دویمې ناحیو تر منځ سیمه کې د مزار مال زیرزمینۍ دواړو خوا دغه سرک چې ۲۲۰ متره اوږدوالی او ۱۰ متره بر لري د ۱۲ میلیونه افغانیو په ارزښت د مزار ښاروالۍ لخوا جوړیږي.
