د بلخ ولایت په کچه د ښاروالۍ د فوټسال لوبډلې اتلولي
د بلخ ولایت په کچه د ښاروالۍ د فوټسال لوبډلې د اتلولۍ له امله د مزارشریف ښاروال ته مبارکي وایم!
د فوټسال سيالۍ چې د بلخ ولايت د بدني روزنې رياست له خوا له نشه يي توکو سره د مبارزې تر نامه لاندې د يوې مياشتې لپاره د ۲۶ لوبډلو ترمنځ پيل شوې وې، د مزارشريف ښار د فوټسال لوبډلې په اتلولۍ سره پای ته ورسېدې.
د مزارشريف ښاروال الحاج محمد کاظم طارق په خپل دفتر کې د ښاروالۍ د فوټسال لوبډلې د اتلولۍ ستاينه وکړه او د دغه ډول سياليو ترسره کول يې له نشه يي توکو څخه د ځوانانو د لرې ساتلو او ورزش ته د هڅولو په برخه کې ګټور وبلل.
دغه راز د مزارشريف ښاروال د فوټسال لوبډلې د زياتو لوبغاړو د تشويق په موخه د ورزشي وسايلو (بلووز، کرمج، توپ...) مرسته وکړه.
