د مزارشریف ښاروالي د ملي دسترخوان د موادو د کمیت او کیفیت په تړاو ژمن دی.

mazar_admin
پنجشنبه ۱۴۰۰/۴/۲۴ - ۹:۳۲
تصویر

د مزارشریف ښاروال دیپلوم انجنیر احمد توفیق امیني په مشرۍ د ملي دسترخوان د وېش د څرنګوالي په برخه کې د ښې همغږۍ د رامنځته کولو په موخه په داسې حال کې چې د دولسګونو ناحیو آمرینو، د ملي دسترخوان ولایتي مسول انجنیر بشیر احمد اوریاخیل د اکتید دفتر او ملي دسترخوان مسول نجیب الله بشر دوست شتون درلود ناسته ترسره شوه. په مزارشریف ښار کې د ملي دسترخوان ولایتي مسول د دولسګونو ناحیو په سیمو کې د یو لک اوه پنځوس زره کورنیو د سروې خبر ورکړ چې له دې جملې څخه یو لک شپږ دیرش زره کورنۍ مستحقې ګڼل شوي چې تر اوسه ۹۰ زره کورنیو دا مرستې تر لاسه کړي. د مزارشریف ښاروالۍ د دولسګونو ناحیو آمرینو د ملي دسترخوان د ویش لړۍ نراپور وړاندې کړ او د موادو د کمیت او کیفیت په برخه کې یې د یو لړ ستونزو خبره وکړه او ډاډ یې ورکړ چې په ناحیو کې د ملي دسترخوان د وېش لړۍ به په پوره شفافیت ترسره کوي. د مزارشریف ښاروال دیپلوم انجنیر احمد توفیق امیني د مسولینو لخوا د ملي دسترخوان د وېش لړۍ راپور واوریده او وې ویل چې د ملي دسترخوان برنامه یوه ټول شموله پروسه ده او لومړي ګام کې باید مستحق او بیوزله کورنیو ته وویشل شي. ښاغلي ښاروال زیاته کړه چې د ناحیو آمرین د موادو څخه د ښې څارنې په برخه کې تر ټولو لویه دنده لري چې باید د موادو د کمیت او کیفیت برخه کې دقت ووسي. نوموړي د میثاق شهروندي، او اکتید، دفترونو او د مزارشریف د دولسګونو ناحیو له آمرینو چې په مزارشریف کې د ملي دسترخوان برنامې مسولیت لري وغوښتل تر څو په خپل منځ کې ښه همغږي ولري او له یو بل سره اوږه په اوږه د ملي دسترخوان د وېش برخه کې هڅه وکړي.

تازه خبرونه

پنجشنبه, جولای 29 2021 7:50 AM
Background image

د مزارشریف ښار په لسمه ناحیه کې د 950 متره سرک د جغل اچولو لړۍ.

د مزارشریف ښاروال دیپلوم انجنیر احمد توفیق امیني په داسې حال کې چې د ښاروالۍ مرستیال، د لسمې ناحیې مسولینو، د ښاري سرمایه ګذارۍ غړو، او د سیمې اوسیدونکو شتون درلود د مزارشریف په لسمه. . .

پنجشنبه, جولای 15 2021 9:32 AM
Background image

د مزارشریف ښاروالي د ملي دسترخوان د موادو د کمیت او کیفیت په تړاو ژمن دی.

د مزارشریف ښاروال دیپلوم انجنیر احمد توفیق امیني په مشرۍ د ملي دسترخوان د وېش د څرنګوالي په برخه کې د ښې همغږۍ د رامنځته کولو په موخه په داسې حال کې چې د دولسګونو ناحیو آمرینو، د ملي. . .

چهارشنبه, جولای 14 2021 9:32 AM
Background image

د مزارشریف ښاروالۍ مسولینو لخوا د ښاریانو د شکایتونو او ستونزو څېړل.

د مزارشریف ښاروال دیپلوم انجنیر احمد توفیق امیني د خلکو هغه شکایتونه چې د بیلا بیلو لارو دې ادارې ته راغلي د مسولینو په شتون کې وه وڅېړل. هغه شکایتونه چې په لیکلي بڼه مزارښاروالۍته. . .

BACK TO NEWS