د مزارشریف ښاروالۍ د ملکیت د سینا ورزشي جمنازیوم د ۳۰۴۵۶ متر مربع ځمکې د پروژې د اعلان په اړه.

 د درنو پانګه‌والو د عامه پوهاوي لپاره خبر ورکول کېږي چې د مزارشریف ښاروالۍ د محترم ریاست د ۱۴۴۸/۳/۸ نېټې د ۲۷۹۳ ګڼې حکم پر بنسټ، د مزارشریف ښاروالۍ په پام کې لري چې د لومړۍ ناحیې د آمریت په ساحه کې د سینا لوبغالي د ورزشي جمنازیوم د جوړولو او ترمیم پروژه د خصوصي سکټور سره د مشارکت له لارې، د ۱۰ ورځو لپاره اعلان ته وسپاري.

له ټولو درنو پانګه‌والو او هغو معتبرو ساختماني شرکتونو څخه چې تخنیکي او مالي وړتیا لري، غوښتنه کېږي چې د شرطپاڼې د ترلاسه کولو لپاره د مزارشریف ښاروالۍ د تدارکاتو او قراردادونو آمریت ته مراجعه وکړي.همدارنګه، داوطلبان مکلف دي چې خپل طرحې، پروپوزلونه او سوداګریز پلانونه د شرطپاڼې د مندرجاتو او معیاري معیارونو سره سم چمتو کړي او د آفرګشایۍ په ټاکل شوې غونډه کې له اړوندو اسنادو سره ګډون وکړي.هغه پروپوزلونه او آفرونه چې د یادې مودې له پای ته رسېدو وروسته وړاندې کېږي، د منلو وړ نه دي او تر ارزونې لاندې به ونه نیول شي.