د درې ستوري هوټل د جوړولو کار
د مزارشریف ښاروالۍ لخوا د مزار شریف ښاروالۍ اړوند د سه ستاره په نوم هوټل د شاوخوا سیمو د جوړولو چارې پیل شوې.
د مزارشریف ښاروالۍ د انجنیرۍ برخې آمر انجنیر عبدالمالک وایي چې د یاد هوټل د شاو خوا سیمو د جوړولو چارې پیل شوي چې په وینا یې د یوې میاشتې په موده کې به بشپړې شي.
بل لور ته بیا د همدې پروژې د قرار دادي شرکت مسولین خلکو ته ډاډ ورکوي چې په معیاري توګه به د دغه هوټل شاوخوا سیمې جوړوي او د پارکینګ د جوړلو تر څنګ به یې ځیني سیمې زرغونې کړي.
د یادولو وړ ده چې د مزارشریف ښاروالۍ اړوند د سه ستاره هوټل شاوخوا سیمې د مزار ښاروالۍ لخوا د ۱۰ میلیونه افغانیو په ارزښت جوړیږي.
